នយោបាយ និងការទូត

ទំនាក់ទំនងការទូតរវាងប្រទេសកម្ពុជា និងប្រទេសបារាំង

ប្រទេសបារាំង និងកម្ពុជាមានទំនាក់ទំនងពិសេស ដោយសារប្រទេសទាំងពីរមានប្រវត្តិរួមគ្នាផង កម្ពុជាជាប្រទេសនិយាយភាសាបារាំងផង និងម្យ៉ាងវិញទៀតដោយសារតួនាទីរបស់បារាំងក្នុងការចូលរួមអភិវឌ្ឍប្រទេសកម្ពុជាក្រោយកិច្ចព្រមព្រៀងទីក្រុងប៉ារីស៍ឆ្នាំ១៩៩១។ សហគមន៍ខ្មែររស់នៅប្រទេសបារាំងក៏បានរួមចំណែកថែរក្សាទំនាក់ទំនងនេះដែរ។

បច្ចុប្បន្ន ទំនាក់ទំនងបារាំង-កម្ពុជាគឺសម្របទៅតាមសមាហរណកម្មតំបន់របស់ប្រទេសកម្ពុជាក្នុងតំបន់ និងការវិវឌ្ឍរបស់ប្រទេសនេះ ដើម្បីក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០។

ប្រទេសបារាំងគាំទ្រផងដែរចំពោះកិច្ចខិតខំប្រឹងប្រែងរបស់កម្ពុជា ដើម្បីចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ តាមរយ:ការបណ្តុះបណ្តាលកងកម្លាំងមួកខៀវកម្ពុជា។ ក្នុងន័យនេះ វគ្គបណ្តុះបណ្តាលបច្ចេកទេសជាច្រើនត្រូវបានរៀបចំឡើងជារៀងរាល់ឆ្នាំ ជាពិសេសក្នុងវិស័យបោសសម្អាតមីន មុខងាររបស់សេនាធិការ រួមទាំងបង្រៀនភាសាបារាំង ដែលអាចជួយឱ្យសិក្ខាកាមងាយស្រួលបំពេញបេសកកម្មនៅតាមបណ្តាប្រទេសប្រើប្រាស់ភាសាបារាំង។

ទស្សនកិច្ចសំខាន់ៗក្នុងបណ្តាឆ្នាំចុងក្រោយនេះ

  • ទស្សនកិច្ចនៅកម្ពុជារបស់លោកឧត្តមសេនីយ៍ Colcombet (១២-១២ ធ្នូ ២០១៩)
  • ទស្សនកិច្ចនៅកម្ពុជារបស់លោក Thierry Mathou ប្រធាននាយកកដ្ឋានអាស៊ី និងអូសេងានីនៃក្រសួងការបរទេសបារាំង (មិថុនា ២០១៩)។ លោកបានជូបជាមួយឯកឧត្តម ប្រាក់ សុខុន រដ្ឋមន្ត្រីក្រសួងការបរទេស។
  • នៅថ្ងៃទី៦និងទី៧ ឧសភា ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានអញ្ជើញទៅធ្វើទស្សនកិច្ចនៅប្រទេសបារាំង។
  • ទស្សនកិច្ចរបស់ឯកឧត្តមទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅប្រទេសបារាំង កាលពីថ្ងៃទី២៥ ខែកញ្ញា ឆ្នាំ២០១៧។ ឯកឧត្តមបានជួបពិភាក្សាការងារជាមួយឯកឧត្តម ហ្សង់-អ៊ីវ ឡឺឌ្រីយ៉ង់ រដ្ឋមន្ត្រីអឺរ៉ុប និងការបរទេសបារាំង។
  • ទស្សនកិច្ចរបស់ឯកឧត្តមទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅប្រទេសបារាំង កាលពីថ្ងៃទី២៨ និង២៩ ខែវិច្ឆិកា ឆ្នាំ២០១៦។ ឯកឧត្តមបានជួបពិភាក្សាការងារជាមួយឯកឧត្តម ហ្សង់-ម៉ាក អេរ៉ូ រដ្ឋមន្ត្រីក្រសួងការបរទេស និងអភិវឌ្ឍន៍អន្តរជាតិ។
  • សម្តេចនាយករដ្ឋមន្ត្រី ហ៊ុន សែន បានអញ្ជើញទៅបំពេញទស្សនកិច្ចនៅប្រទេសបារាំង កាលពីថ្ងៃទី២៦ ខែតុលា ឆ្នាំ២០១៥។ ក្នុងអំឡុងទស្សនកិច្ចនោះ សម្តេចនាយករដ្ឋមន្ត្រីបានជួបពិភាក្សាការងារជាមួយលោកប្រធានាធិបតីបារាំង ហ្រ្វង់ស៊័រ ហូឡង់ និងឯកឧត្តម ឡូរ៉ង់ ហ្វាប៊ីយូស រដ្ឋមន្ត្រីក្រសួងការបរទេស និងអភិវឌ្ឍន៍អន្តរជាតិ។
  • លោកជំទាវ អានីក ហ្ស៊ីរ៉ាដាំង រដ្ឋលេខាធិការទទួលបន្ទុកការអភិវឌ្ឍន៍ និងហ្រ្វង់កូហ្វូនី បានអញ្ជើញមកបំពេញទស្សនកិច្ចនៅកម្ពុជាពីថ្ងៃទី១៨ដល់ថ្ងៃទី២០ ខែឧសភា ឆ្នាំ២០១៥។
  • ទស្សនកិច្ចរបស់លោកជំទាវរដ្ឋមន្ត្រីក្រសួងវប្បធម៌ និងទូរគមនាគមន៍បារាំង អូរ៉េលី ហ្វីលីប៉េទីពីថ្ងៃទី៤ និងទី៥ ខែធ្នូ ឆ្នាំ២០១៣ ជាពិសេសដើម្បីចូលរួមសន្និសីទអន្តររដ្ឋាភិបាលលើកទី៣ស្តីពីអង្គរ (CIC Angkor)។
  • លោកនាយករដ្ឋមន្ត្រីបារាំង ហ្សង់ ម៉ាក អេរ៉ូ បានអញ្ជើញមកធ្វើទស្សនកិច្ចនៅប្រទេសកម្ពុជានៅខែកុម្ភ:ឆ្នាំ២០១៣ ដើម្បីចូលរួមព្រះរាជពិធីបុណ្យព្រះបរមសពព្រះករុណាព្រះបាទនរោត្តមសីហនុ។ ឯកឧត្តមត្រូវបានអមដំណើរដោយលោកជំទាវ យ៉ាមីណា ប៊ែនហ្គីហ្គី រដ្ឋមន្ត្រីប្រតិភូទទួលបន្ទុកប្រទេសនិយាយភាសាបារាំង។
  • ឯកឧត្តមសុខ អាន ឧបនាយករដ្ឋមន្ត្រីកម្ពុជា បានជួបពិភាក្សាជាមួយរដ្ឋមន្ត្រីក្រសួងការបទេសបារាំងឯកឧត្តម ឡូរ៉ង់ ហ្វាប៊ីយូស កាលពីថ្ងៃទី២៥ ខែមករា ឆ្នាំ២០១៣។

កែប្រែចុងក្រោយ 08/01/2020

ត្រឡប់ទៅលើ